Noyabrın 20-də Naxçıvan Muxtar Respublikasında fəaliyyət göstərən dövlət qurumlarının əməkdaşları arasında “Zəfər Kuboku” uğrunda voleybol turniri start götürüb. "Rekord.az" xəbər verir ki, yarış 44 günlük Vətən müharibəsində qazanılan tarixi Qələbənin 5-ci ildönümünə həsr olunub.
Naxçıvan Muxtar Respublikası Gənclər və İdman Nazirliyi ilə Azərbaycan Voleybol Federasiyasının Naxçıvan filialı tərəfindən birgə təşkil olunan yarış 5 turdan ibarətdir. A və B qrupları üzrə ümumilikdə 10 komanda növbəti mərhələyə keçid üçün mübarizə aparır. Qrup mərhələsinin görüşləri Naxçıvan şəhərində - İlham Əliyev adına Olimpiya İdman Kompleksində keçirilir.
A qrupunda Naxçıvan Şəhər İcra Hakimiyyəti, Su Meliorasiya Sistemlərinin İstismarı İdarəsi, Mədəniyyət Nazirliyi, Fövqəladə Hallar Nazirliyi və İqtisadiyyat Nazirliyinin komandaları yer alıb. B qrupunda isə Naxçıvan Regional “ASAN Xidmət” Mərkəzi, Ali Məhkəmə, Gənclər və İdman Nazirliyi, Rəqəmsal İnkişaf və Nəqliyyat Nazirliyi və Əmək və Əhalinin Sosial Müdafiəsi Nazirliyinin kollektivləri mübarizə aparırlar.
Qeyd edək ki, hər qrupda 1-ci və 2-ci yerlərin sahibləri yarımfinalda iştirak hüququ əldə edəcək