Qadın voleybolçulardan ibarət Azərbaycan millisinin üzvü Kristina Besmanın yeni komandasının adı bəlli olub. "Rekord.az" xəbər verir ki, təcrübə oyunqurucumuz 2026-2027-ci illər mövsümündə Rumıniyanın “CSM Voley Alba Blaj” klubunda çıxış edəcək.

30 yaşlı, 1,84 metr boya malik toppaylayıcı ilə ən azı bir mövsümlük razılığa gəlinib. O, yeni komandasında 12 nömrəli forma ilə çıxış edəcək.

Kristina Besman “Alba Blaj”a Rusiyanın “Omıçka Omsk” klubundan keçib.

Qeyd edək ki, yığmamızın üzvü bundan əvvəl ölkəmizdə “Azərreyl Bakı”, “Azəryol Bakı” və “Telekom Bakı” klublarının formasını geyinib. Voleybolçumuz Finlandiyanın “LP Viesti”, Rusiyanın  “Lipetsk” “Tulitsa Tula” və “Yenisey Krasnoyarsk” komandalarında legioner həyatı yaşayıb.