"Barselona"nın prezidenti Xoan Laporta mövsümün sonunda PSJ-dən ayrılması gözlənilən Kilian Mbappenin mümkün transferi haqda danışıb.

Rekord.az xəbər verir ki, klub rəhbəri "Radio France"yə açıqlamasında Mbappenin həddən çox maaş istədiyini bildirib:

"Mbappe? Biz heç vaxt 50 milyon avro maaş istəyən futbolçunu hədəfə almayacağıq. "Barselona" bunu ödəyə bilməz. O, çox yaxşı oyunçudur, amma Çempionlar Liqasının qalibi olmayıb. Bunu da nəzərə almaq lazımdır. Ona bu qədər pul ödəmək "Barselona"da forma geyinən və futbol dünyasında örnək olan futbolçulara qarşı təhqir olar".