Qadınlardan ibarət "Kür" həndbol komandası bu gün EHF Avropa Kubokunda növbəti oyununu keçirəcək.

Rekord.az xəbər verir ki, Azərbaycan təmsilçisi turnirin 3-cü təsnifat mərhələsində Şimali Makedoniyanın "WHC Çair" kollektivi ilə üz-üzə gələcək.

Qarşılaşma "Kür" Olimpiya Tədris-İdman Mərkəzində, saat 17:00-da start götürəcək.

Tərəflər arasında cavab oyunu noyabrın 15-də eyni məkanda baş tutacaq. "Kür" 2-ci raundda Kiprin APOEL klubunu mübarizədən kənarlaşdırıb - 40:18, 39:13.