Azərbaycan və Slovakiya buz üzərində idman növləri, xüsusilə də xokkey və fiqurlu konkisürmə sahəsində əməkdaşlığı genişləndirməyi planlaşdırır.

Rekord.az xəbər verir ki, bu barədə Slovakiyanın Azərbaycandakı səfiri Elçin Qasımov Azərbaycanın gənclər və idman naziri Fərid Qayıbovla görüşdən sonra yazıb.

"Azərbaycanın gənclər və idman naziri Fərid Qayıbovla buz üzərində idman növləri üzrə əməkdaşlığın inkişafı üçün görüşməkdən məmnunam. Biz Azərbaycanda xokkey və fiqurlu konkisürmənin inkişafını, Slovakiya və Azərbaycanda gənc idmançılar üçün planlaşdırılan birgə təlim toplanışlarını müzakirə etdik. Konstruktiv dialoqa görə minnətdaram. İdman Slovakiya və Azərbaycan arasında tərəfdaşlığı birləşdirir və möhkəmləndirir", - səfir qeyd edib.