"Barselona"nın baş məşqçisi Ronald Kuman "Sevilya" ilə La Liqanın 25-ci turunun matçı öncəsi mətbuat konfransını vaxtından əvvəl başa vurub.

Rekord.az sport.es-ə istinadən xəbər verir ki ki, buna onun burnunun qanaması səbəb olub.

Niderlandlı mütəxəssis qanaxmanı dayandıra bilməyib və buna görə konfrans bitmədən zalı tərk edib. Bu, Kumanın başına ilk dəfədir ki, gəlmir. Əvvəllər də  bu mövsüm keçirdiyi mətbuat konfranslarında burun qanaması keçirib.

Qanamadan bir neçə dəqiqə əvvəl jurnalistlər onun "Barselona" məşqçisi kimi gələcəyi barədə soruşublar.

“Bilirəm ki, "Barselona" məşqçisinə hər zaman çox təzyiq var, qalib gəlmirsinizsə, günahkar məşqçi olur. Əlimdən gələni edirəm və heç vaxt uduzmağı düşünmürəm, həmişə qazanmağı fikirləşirəm. Nə ola biləcəyəni bilmirəm, amma nikbinəm" - deyə o bildirib.