Rumıniya Super Liqasında 15-ci turun oyunları keçirilir.

Rekord.az xəbər verir ki, Azərbaycan millisinin müdafiəçisi Cəlal Hüseynovun çıxış etdiyi “Petrolul” səfərdə “UTA Arad”la üz-üzə gəlib.

Matç qonaqların qələbəsi ilə yekunlaşıb - 1:0. “Petrolul”a qələbə gətirən qolu 71-ci dəqiqədə Mario İonita vurub. 

Görüşə ehtiyat oyunçular skamyasından başlayan Cəlal 65-ci dəqiqədə meydana buraxılıb.

Xallarının sayını 27-ə çatdıran "Petrolul" turnir cədvəlində dördüncü pillədə qərarlaşıb.