“Qəbələ”nin baş məşqçisi Kaxaber Sxadadze Premyer Liqanın 3-cü turu çərçivəsində “Araz-Naxçıvan”a qarşı keçirdikləri oyundan sonra fikirlərini bölüşüb.

Rekord.az xəbər verir ki, “qırmızı-qaralar”ın baş məşqçisi 1:2 hesablı məğlubiyyətlə bağlı bunları söyləyib:

“Əvvəlcə "Qarabağ"ı və keçmiş komandam "Kayrat"ı Çempionlar Liqasının liqa mərhələsinə vəsiqə qazanması münasibəti ilə təbrik edirəm. Oyuna gəlincə, rəqib yaxşı futbolçulardan təşkil olunmuş komandadır. Bu mövsüm avrokuboklarda çıxış etdilər. Artıq 3-cü oyundur ki, qol vurduğumuz matçda üstünlüyü qoruyub saxlaya bilmirik. Bu, bir çox futbolçularımızın təcrübəsinin olmaması ilə əlaqədardır. Amma məndə geri çəkilmək yoxdur. Çatışmayan cəhətlərimizin üzərində çalışacağıq”.