Azərbaycanı Konfrans Liqasında təmsil edəcək "Araz-Naxçıvan" bu gün Ərzurumdakı təlim-məşq toplanışı çərçivəsində ikinci yoxlama oyununu keçirib.

Rekord.az xəbər verir ki, Elmar Baxşıyevin komandası Super Liqa təmsilçisi "Alanyaspor"la üz-üzə gəlib.

Oyun 0:0 hesablı heç-heçə ilə başa çatıb. 

"Araz-Naxçıvan" iyulun 9-da Türkiyənin həvəskar liqa təmsilçisi "Bayburtspor"la qarşılaşıb və 14:0 hesabı ilə qələbə qazanıb. Komanda iyulun 17-də "Trabzonspor"la da üz-üzə gələcək.