“Tottenhem”in baş məşqçisi Roberto De Zerbi İngiltərə Premyer Liqasında oktyabr ayının ən yaxşı məşqçisi seçilib.

Rekord.az xəbər verir ki, “Tottenhem” oktyabr ayında Premyer Liqada 4 oyun keçirib.

London təmsilçisi bu görüşlərin 3-də qələbə qazanıb, 1-də isə heç-heçə edib. Beləliklə, komanda mümkün 12 xaldan 10-nu toplayaraq ayı məğlubiyyətsiz başa vurub.

İngiltərə Premyer Liqasında oktyabr ayının ən yaxşı futbolçusu da müəyyənləşib. Bu ada “Aston Villa”nın hücumçusu Nikolas Cekson layiq görülüb. O, 8 namizəd arasından azarkeşlərin səsverməsi nəticəsində qalib olub.

25 yaşlı hücumçu oktyabr ayında Premyer Liqada keçirdiyi 4 oyunda 4 qol vurub.

Bu, Ceksonun Premyer Liqada karyerası ərzində qazandığı ilk fərdi mükafatdır.