Bu həftə Misli Premyer Liqasında XVI tura start veriləcək.

Rekord.az xəbər verir ki, 2025-ci ilin son turunun matçları dörd günü əhatə edəcək.

Peşəkar Futbol Liqası üz-üzə gələcək cütlərin ölkə çempionatları tarixindəki əvvəlki oyunlarının balansını açıqlayıb.

Misli Premyer Liqası

XVI tur

19 dekabr (cümə)

“Kəpəz” – “Turan Tovuz” – 13 oyun, +3=1-9, top fərqi 9-26
“Turan Tovuz” son 9 oyunda qol vurub. Son üç qarşılaşmada böyükhesablı nəticə qeydə alınıb.

20 dekabr (şənbə)

“Karvan-Yevlax” – “Neftçi” – 1 oyun, +0=1-0, top fərqi 0-0
Baş tutan yeganə qarşılaşmada qalib müəyyənləşməyib. Rəqiblər meydandan qolsuz ayrılıblar.

“Zirə” – “İmişli” – 1 oyun, +0=1-0, top fərqi 1-1
Cari mövsümə təsadüf edən ilk görüşdə heç-heçə qeydə alınıb. Komandaların hərəsi bir qola sevinib.

21 dekabr (bazar)

“Qəbələ” – “Qarabağ” – 63 oyun, +10=16-37, top fərqi 47-106
“Qəbələ” son 25 oyunda qələbə qazanmayıb. “Qarabağ” son 11 matçda qol vurub.

“Araz-Naxçıvan” – “Şamaxı” – 9 oyun, +5=2-2, top fərqi 9-5
“Araz-Naxçıvan” texniki nəticə nəzərə alınmasa, bütün görüşlərdə qol vurub. “Şamaxı” səfərdə qələbə qazanmayıb.

22 dekabr (bazar ertəsi)

“Sumqayıt” – “Sabah” – 28 oyun, +8=6-14, top fərqi 28-51
Son 3 görüş heç-heçə başa çatıb. “Sumqayıt” son 4 ev oyununda qol vurub.