Futbol üzrə Azərbaycan milli komandası bu gün AÇ-2020-nin seçmə mərhələsi çərçivəsində növbəti oyununa çıxıb.

Rekord.az xəbər verir ki, Nikola Yurçeviçin rəhbərlik etdiyi komandamız bu dəfə “Bakcell Arena”da Uels yığmasını qəbul edib.

E qrupunda yer alan hər iki kollektiv bunadək 6 oyun keçirmişdi. Uels 8 xalla 4-cü pillədə yer alırdısa, millimiz 1 xalla sonuncu idi.

Bu, iki komanda arasında 8-ci qarşılaşma idi. Əvvəlki görüşlərin yalnız 1-də heç-heçə etməyi bacaran millimiz qalan bütün görüşlərdən məğlub ayrılmışdı. 

Elə bu oyunda da qələbəni uelslilər bayram ediblər. Millimiz doğma meydanda iki cavabsız qola üzülüb.

AÇ-2020-nin seçmə mərhələsi
E qrupu

16 noyabr

Azərbaycan – Uels 0:2
Qol: K.Mur, 10. H.Uilson, 34.
Baş hakim: Deniz Aytekin (Almaniya)
Bakı, “Bakcell Arena”.

Azərbaycan: 12. Emil Balayev, 2. Qara Qarayev (k), 3. Şəhriyar Rəhimov, 4. Bəhlul Mustafazadə, 6. Bədavi Hüseynov, 7. Araz Abdullayev, 11. Ramil Şeydayev, 13. Dmitri Nazarov, 18. Anton Krivotsyuk, 20. Riçard Almeyda, 21. Pavel Paşayev.
Ehtiyat oyunçular: 1. Səlahət Ağayev, 23. Mehdi Cənnətov, 8. Emin Mahmudov, 9. Vüsal İsgəndərli, 10. Ağabala Ramazanov, 14. Elvin Camalov, 15. Şəhriyar Əliyev, 16. Abbas Hüseynov, 17. Renat Dadaşov, 19. Təmkin Xəlilzadə, 22. Cavid Hüseynov.
Baş məşqçi: Nikola Yurçeviç.
Uels: 1. Ueyn Hennessi, 4. Ben Deyvis, 5. Kris Mefam, 7. Harri Uilson, 11. Qaret Beyl (k), 13. Kiffer Mur, 14. Konnor Roberts, 15. İtan Ampadu, 16. Tom Lokayer, 18. Co Morrell, 20. Daniel Ceyms.
Ehtiyat oyunçular: 12. Adam Deyvis, 21. Tom Kinq, 2. Kris Qanter, 3. Ceyms Lourens, 6. Eşli Uilyams, 8. Mettyu Smit, 9. Sem Vouks, 10. Aaron Remzi, 17. Dilan Levitt, 19. Tayler Roberts, 22. Rabbi Matondo, 23. Uill Uolks.
Baş məşqçi: Rayan Giqqz.