Polşa çempionatında 9-cu turun oyunları keçirilir.

Rekord.az xəbər verir ki, Azərbaycan milli komandasının hücumçusu Mahir Emrelinin formasını geyindiyi “Rakuv” səfərdə “Korona” kollektivinin qonağı olub.

Qollarla zəngin keçən qarşılaşma meydan sahiblərinin 3:2 hesablı qələbəsi ilə yekunlaşıb.

Emreli matça ilk “11-lik”də başlayıb və 80-ci dəqiqədə əvəzlənib. Uğursuz seriyadan çıxa bilməyən “Rakuv” keçirdiyi 9 qarşılaşmadan sonra topladığı 3 xalla 18 komandalıq turnir cədvəlinin sonuncu pilləsində qərarlaşıb.