Sabah voleybol üzrə avrokuboklarda iki təmsilçimiz meydana çıxacaq. "Rekrod.az" xəbər verir ki, kişilərdən ibarət "Xilasedici" və "Ordu" klubları avrokubokda növbəti oyunlarını keçirəcəklər.
Çempionlar Liqasında mübarizə aparan "Xilasedici" 3-cü təsnifat mərhələsi çərçivəsində ilk görüşünə çıxacaq. FHN idman zalında baş tutacaq qarşılaşmada rəqib Sloveniyanın "ACH Volley Ljubljana" kollektivi olacaq.
Çağırış Kubokunda çıxış edən "Ordu" isə 1/32 finalın cavab matçına çıxacaq. GİN-in Voleybol Mərkəzində baş tutacaq görüşdə rəqib Norveçin "Forde" klubu olacaq. Cütün ilk matçında quru hesabla qalib gələn təmsilçimiz doğma meydanda da qələbə qazanacağı təqdirdə növbəti mərhələyə yüksələcək.
Qeyd edək ki, hər iki qarşılaşma 19 noyabrda saat 18:00-da start götürəcək.

19 noyabr
Çempionlar Liqası
3-cü təsnifat mərhələsi (İlk oyun)
   18:00 "Xilasedici"- "ACH Volley Ljubljana"

Çağırış Kuboku
1/32 final (Cavab oyunu)
   18:00 "Ordu"- "Forde"