Türkiyənin "Fənərbağça" klubundan ayrılan məşhur futbolçu Duşan Tadic karyerasını Azərbaycanda davam etdirə bilər.

Rekord.az xəbər verir ki, bu barədə qardaş ölkənin "haberler.com" saytı Niderland mətbuatına istinadən məlumat yayıb.

"Qarabağ"ın 36 yaşlı serbiyalı yarımmüdafiəçi ilə maraqlandığı bildirilib. Ölkə çempionu rəsmilərinin Tadiçin agenti ilə əlaqə saxladığı da xəbərdə yer alıb.

Tadic ötən mövsüm İstanbul təmsilçisində 53 oyunda 13 qol və 18 məhsuldar ötürmə ilə yadda qalıb.