"Karvan-Yevlax"ın baş məşqçisi Füzuli Məmmədov Misli Premyer Liqasının 13-cü turu çərçivəsində "Qarabağ"a qarşı keçirdikləri oyundan sonra fikirlərini bölüşüb.

Rekord.az xəbər verir ki, o, 0:2 hesabıyla uduzduqları matçla bağlı bunları söyləyib:

“Futbolçularımız ilk hissədə dediyim plana uyğun yaxşı oyun sərgilədilər. İkinci yarıda bir az yorğunluq hiss olundu. "Qarabağ"ın əvəzetmələrindən sonra daha çox güc sərf etdik. Amma buna rəğmən komandam yaxşı oyun göstərdi. Məğlub olmamağa çalışırdıq. Amma bu da futbolun bir hissəsidir. "Qarabağ"ı təbrik edirəm. Oyunu təhlil edəcəyik. Qarşıda matçlar var. Həmin görüşlərə çox ciddi hazırlaşacağıq.

Komandanın heyətində çox yaxşı futbolçular var. Sadəcə onlarda istədiyimiz performans yoxdur. Futbolçuların fiziki durumunu yüksəltməyə çalışacağıq. Bunun üçün zaman lazımdır. Hər oyun bizim üçün önəmlidir. Oyundan-oyuna komandamız daha da yaxşı olacaq.

"Qarabağ" həmişə yaxşı komanda olub. Onlara uğurlar arzulayıram. O vaxtkı "Qarabağ"la indiki arasında fərq böyükdür. Çempionata gəldikdə, sürət artıb, heyətlər daha güclüdür”.