"Mançester Siti" "Barselona"nın futbolçusu Lionel Messi üçün karyera planı hazırlayıb.

Rekord.az "The Times"a istinadən xəbər verir ki, İngiltərə təmsilçisi argentinalı hücumçuya 10 illik müqavilə təklif etməyi planlaşdırır.

Bu müqaviləyə 33 yaşlı oyunçunun əvvəlcə "Mançester Siti"də oynamağı, sonra klubun sahibi olan City Football Group holdinqin komandalarından birinə keçməyi (ABŞ-dan "Nyu-York Siti", Yaponiyadan "Yokohama F. Marinos" və ya Avstraliyadan "Melburn Siti) daxildir. Və karyerasını bitirdikdən sonra Messiyə  City Football Group layihəsində səfir vəzifəsi təklif ediləcək.

Qeyd edək ki, Messinin "Barselona" ilə müqaviləsi 2021-ci ilin yayı başa çatır. Onun klubu ilə müqaviləsini uzatmayacağı gözlənilir.