"Neftçi"nin futbolçusu Mamadu Mboc komandanın baş məşqçisi Füzuli Məmmədovla mübahisə edib.

Rekord.az xəbər verir ki, hadisə Premyer Liqanın II turunda "Sumqayıt"la matçda baş verib.

27 yaşlı seneqallı müdafiəçi 35-ci dəqiqədə əvəzləndiyi üçün etirazını bildirib. Onun yerinə meydana serbiyalı Voyislav Stankoviç daxil olub.

Mboc meydanı tərk edərkən rəqib komandanın baş məşqçisi Ayxan Abbasovun əlini sıxıb, lakin Füzuli Məmmədovla görüşməyib.

Müdafiəçi baş məşqçi ilə mübahisə etdikdən sonra birbaşa soyunub-geyinmə otağına yollanıb. (sportinfo.az)