"Roma"nın yeni başq məşqçisi açıqlanıb.

Rekord.az paytaxt klubunun rəsmi saytına istinadən xəbər verir ki, komanda Can Pyero Qasperiniyə tapşırılıb.

67 yaşlı mütəxəssis 3 illik müqaviləyə imza atıb.

Qasperini 2016-cı ilin yayından çalışdırdığı "Atalanta"dan bugünlərdə ayrılıb. Berqamo təmsilçisi onun rəhbərliyi altında bütün turnirlərdə 439 matça (228 qələbə, 101 heç-heçə, 110 məğlubiyyət) çıxıb. Qasperini berqamolularla 2024-cü ildə finalda "Bayer"i yenərək (3:0) Avropa Liqasının qalibi olub. "Atalanta" geridə qalan mövsümdə A Seriyasındakı mübarizəni 3-cü pillədə tamamlayıb.