Azərbaycanın 16 yaşadək qızlardan ibarət basketbol millisi Qazaxıstanın Atırau şəhərində təşkil olunan "Airom Cup" beynəlxalq turnirində növbəti qələbələrini qazanıb.

Rekord.az xəbər verir ki, yığma üçüncü matçında Rusiyanın "MBU Volqoqrad" kollektivinə 67:38 hesabı ilə qalib gəlib.

Daha sonra Qazaxıstan təmsilçisi "Aul Sport"u 59:39 hesabı ilə üstələyən komanda turnirdəki dördüncü qələbəsini rəsmiləşdirib.

Millimiz daha əvvəl "Aul Sport" (72:32) və "Barsy Atrau" (78:43) komandalarını məğlub edib. Komanda növbəti matçlarını sabah keçirəcək.