Məlum olduğu kimi, AFFA-nın vasitəsi ilə dövlət tərəfindən klublara ayrılan 3 milyon manat məbləğin konkret xərc istiqamətləri var.

Rekord.az xəbər verir ki, bu xərclərdən biri də "Media və PR işləri"di.

Bəs görəsən klublarımız bu pulları hara xərcləyir, həqiqətən də Media və PR ilə bağlı hansısa işlər görülürmür, görülürsə, konkret hansı işlərdən söhbət gedir. Bu sualla "Səbail" klubuna müraciət etdik. Klubun mətbuat xidmətinin rəhbəri Rəşad Məmmədov məsələ ilə bağlı cavabı belə oldu: "Dövlət tərəfindən ayrılan vəsait müvafiq meyarlar üzrə mövsüm ərzində klublara köçürülür. Bir məsələni də diqqətinizə çatdırım ki, dediyiniz kateqoriya üzrə ayrılan vəsaitin məbləğində ötən mövsümlə müqaisədə dəyişiklik edilib. Həmin vəsait mövsümün gedişi ərzində klubumuzun mətbuat və PR layihələrinə sərf oluncaq".