Premyer-liqanın 23-cü turunda “Qarabağ”a 0:8 hesabı ilə uduzduqdan sonra “Şamaxı” rəhbərliyi Sənan Qurbanovla yolları ayırıb mövsümün sonuna komandanın “sükanını” əvəzedicilərin baş məşqçisi Rüstəm Əliyevə tapşırmışdı.

Rekord.az xəbər verir ki, “Şirlər” Əliyevin rəhbərliyi altında meydana çıxdığı 5 matçda 2 heç-heçə 3 məğlubiyyətlə yadda qaldı.

Ancaq görünür, gənc mütəxəssisin işi klub rəhbərliyini qane edib. Belə ki, “Football-plus.az” saytına etibarlı mənbələrdən daxil olan məlumata görə, bölgə təmsilçisinin rəsmiləri Rüstəm bəylə yola davam etmək qərarına gəlib. Mənbənin sözlərinə inansaq, gələn həftə Əliyev “Şamaxı”nın yeni baş məşqçisi kimi ictaimiyyətə təqdim olunacaq. ("Futbol plus")