PSJ-nin futbolçuları Tiaqo Silva və Ander Herrera Fransa çempionatının 26-cı turunda "Bordo" ilə matçda zədələniblər.

Rekord.az klubun saytına istinadən xəbər verir ki, bu səbəbdən Silvanın üç həftə, Herreranın isə üç ay yaşıl meydanlardan uzaq qalacağı bildirilib. Beləliklə, hər iki oyunçu Çempionlar Liqasının 1/8 finalında Dortmund "Borussiya"sı ilə cavab görüşün buraxacaq.

Qeyd edək ki, PSJ - "Borussiya" oyunu martın 11-i keçiriləcək. Bu komandalar arasında ilk matçda Dortmund klubu 2:1 hesabı ilə qalib gəlib.