PSJ-nin hücumçusu Neymar Fransa klubuna transfer olunandan sonra ümumilikdə 7832 dəqiqə meydanda olub.

Rekord.az "Whoscored"ə istinadən xəbər verir ki, braziliyalı ulduz mümkün oyun vaxtının (16110 dəqiqə) yarısından da azında - 48,6  faizində PSJ-nin rəqiblərinə qarşı mübarizə aparıb.

Paris klubundan ayrılacağı deyilən Neymarın "Yuventus"la danışıqlara başladığı barədə xəbərlər yayılıb. 

Braziliya millisinin lideri PSJ-yə 2017-ci ildə, 222 milyon avro qarşılığında "Barselona"dan transfer olunub. Paytaxt klubunun formasıyla çıxdığı 144 rəsmi matçda 100 qol vuran cənubi amerikalı forvard 60 məhsuldar ötürmə ilə də yadda qalıb.