Millimiz EEVZA çempionatında beşinci oldu
- 21:30
- 28
16 yaşadək voleybolçu qızlardan ibarət Azərbaycan milli komandası 19–22 noyabr tarixlərində Estoniyanın Kaariku şəhərində keçirilən Avropa çempionatının 1-ci təsnifat mərhələsində (Şərqi Avropa Voleybol Zonal Assosiasiyası – EEVZA) iştirak edib. "Rekord.az" xəbər verir ki, B qrupunda mübarizə aparan millimiz Estoniya, Ukrayna və Litva yığmaları ilə qarşılaşıb.
Qızlarımız qrup mərhələsində Litva üzərində 3:1 hesablı qələbə qazanıb, Ukraynaya 1:3, Estoniyaya isə 2:3 hesabı ilə məğlub olub.
A qrupunda Polşa, Gürcüstan və Finlandiya milliləri mübarizə aparıblar. Beşinci yer uğrunda görüşdə Gürcüstanla qarşılaşan Azərbaycan millisi rəqibini 3:0 hesabı ilə məğlub edərək turniri beşinci pillədə başa vurub.
Çempionatın finalında Polşa millisi Ukrayna yığmasını 3:0 hesabı ilə məğlub edərək EEVZA çempionu olub. Bununla da Polşa yığması 2027-ci ildə keçiriləcək U-16 Avropa çempionatının final mərhələsinə birbaşa vəsiqə qazanıb.
B qrupu
Estoniya – Azərbaycan 3:2 (25:15, 25:17, 21:25, 20:25, 15:10)
Ukrayna – Azərbaycan 3:1 (20:25, 25:18, 25:19, 25:21)
Azərbaycan – Litva 3:1 (25:16, 23:25, 25:23, 27:25)
5-ci yer uğrunda oyun
Azərbaycan – Gürcüstan 3:0 (25:11, 25:19, 25:12)