“İmişli” Rafael Vyeqasla müqavilə imzalayıb.

Rekord.az xəbər verir ki, bu haqda klubun mətbuat xidməti yayıb.

26 yaşlı portuqaliyalı futbolçu mövsümün sonuna qədər “İmişli”nin formasını geyinəcək.

Rafael Vyeqas karyerası ərzində Portuqaliyanın “San-Joau Ver”, “Vilaverdense”, “Felqeyraş”, “Salgueyruş”, “Şaveş”, “Vizela” və “Agueda”, Çexiyanın “Znoymo”, həmçinin Braziliyanın “Real-DF” komandalarında çıxış edib.

Vyeqas ötən mövsüm də “İmişli”nin heyətində yer alıb. O, 31 oyunda meydana çıxıb və 1 qol vurub.