Qadın və kişi voleybolçulardan ibarət Azərbaycan milli komandalarının Avropa Liqasında növbəti oyunları bu həftə olacaq. "Rekord.az" xəbər verir ki,19-21 iyun tarixlərində baş tutacaq oyunlar ilkin mərhələnin son qarşılaşmalarıdır.
Qadınlardan ibarət yığmamız üçüncü turun oyunlarını Şimali Makedoniyanın Strumitsa şəhərində keçirəcək. Komandamız bu mərhələdə İsrail və İsveçrə milliləri ilə qarşılaşacaq.
Kişilərdən ibarət milli komandamız isə ilkin mərhələnin son turunda Bakıda mübarizə aparacaq. GİN-in Voleybol Mərkəzində təşkil olunacaq oyunlarda yığmamız Macarıstan və Portuqaliya ilə üz-üzə gələcək.
İki turdan sonra aktivində iki qələbə olan qadın millimiz 6 xal toplayıb. Kişilərdən ibarət yığma komandamızın isə qələbəsi və xalı yoxdur.
Milli komandalarımızın Avropa Liqasında növbəti oyunlarının təqdvimi
Qadınlar (Şimali Makedoniya)
19 iyun
   20:00 Azərbaycan - İsrail
20 iyun
   20:00 İsveçrə - Azərbaycan
21 iyun
   20:00 İsrail - İsveçrə

Kişilər (Azərbaycan)
19 iyun
 18:00 Macarıstan - Azərbaycan
20 iyun
18:00 Portuqaliya - Macarıstan
21 iyun
18:00 Azərbaycan - Portuqaliya