Qadın və kişi voleybolçulardan ibarət Azərbaycan milli komandaları Avropa Liqasında mübarizəni davam etdirirlər. "Rekord.az" xəbər verir ki, hər iki yığmamız bu gün ikinci turun oyunlarının keçiriləcəyi ölkələrə yola düşüb.
Qadınlardan ibarət milli komandamız ikinci turun oyunlarını İspaniyanın Alikante şəhərində keçirəcək. Yığmamız bu mərhələdə Şimali Makedoniya və ev sahibi İspaniya milliləri ilə qarşılaşacaq. Kişilərdən ibarət milli komandamız isə növbəti turun oyunlarını Rumıniyanın Mioveni şəhərində keçirəcək. Komandamız bu mərhələdə İspaniya və Rumıniya yığmaları ilə qüvvəsini sınayacaq.
Qeyd edək ki, Avropa Liqasında ikinci turun oyunları 12-14 iyun tarixlərində keçiriləcək.
Qadınlar  (İspaniya)
12 iyun
   21:30 Şimali Makedoniya - İspaniya
13 iyun
   20:30 Azərbaycan - Şimali Makedoniya
14 iyun
   20:00 İspaniya - Azərbaycan