"Sabah"ın UEFA Çempionlar Liqasının pley-off mərhələsindəki rəqibi "Hapoel" (Beer-Şeva) iki futbolçusunu icarəyə verib.

Rekord.az xəbər verir ki, bu barədə İsrail təmsilçisinin mətbuat xidməti məlumat yayıb.

Mor Siman Tov "Hapoel" (Kiryat Şmona) klubuna, Yoav Koren "Makkabi" (PetaH-Tikva) komandasına keçib.

Qeyd edək ki, "Hapoel" - "Sabah" matçı avqustun 19-da, Bakı vaxtı ilə saat 23:00-da Buxarestdəki "Quleşti" stadionunda start götürəcək.

Komandalar arasında cavab matçı avqustun 25-də Tofiq Bəhramov adına Respublika stadionunda baş tutacaq. Bu qarşılaşmaya saat 20:45-də start veriləcək.