Azərbaycan Premyer-Liqasının son iki turunda VAR-da əcnəbi hakimlər olacaq. “Rekord.az” xəbər verir ki, bu barədə AFFA-nın baş katibi və icraçı vitse-prezidenti Sərxan Hacıyev açıqlama verib.

CBC Sport-da yayımlanan “Bizim futbol” verilişinin qonağı olan qurum rəsmisi bunları deyib: “Son iki turda bir və ya iki oyuna beynəlxalq VAR hakimi dəvət oluna bilər. Bu təcrübəni ilk dəfə tətbiq etmək fikrindəyik. Düşünürük ki, bunun müsbət effekti olacaq. Avrokubokların taleyini həll edəcək oyunlar var. Fors-major olmasa, bu addım atılacaq”.

Əcnəbilərin hansı ölkədən olacağı məlum deyil.