"Real"ın ikinci komandası olan "Kastilya"nın yeni baş məşqçisi rəsmən açıqlanıb.

Rekord.az klubun saytına istinadən xəbər verir ki, Raul Qonzalesi bu vəzifədə klubun U-19 komandasını çalışdıran Alvaro Arbeloa əvəzləyib.

Arbeloa da Raul kimi, "Real"ın yetirməsi və uzun illər komandada çıxış etmiş futbolçularındandır. 

42 yaşlı Arbeloa “Real”ın heyətində 2001–2006 və 2009–2016-cı illər aralığında çıxış edib. 2017-ci ildə futbolçu karyerasını başa vuran sabiq müdafiəçi daha sonra məşqçilik fəaliyyətinə başlayıb.