"Son vaxtlar "Legiya"nın heyətində məni yaxşı mənada ən çox təəccübləndirən futbolçu Mahir Emrelidir".

Rekord.az xəbər verir ki, bunu Polşa millisinin və "Legiya"nın sabiq futbolçusu Yanuş Qol Azərbaycan yığmasının hücumçusu Mahir Emrelinin Varşava təmsilçisinin heyətindəki çıxışı barədə "legia.net" saytına açıqlamasında deyib.

Hazırda Rumıniyanın "Dinamo" (Buxarest) komandasında çıxış edən 36 yaşlı yarımmüdafiəçi 24 yaşlı forvard haqqında yüksək fikirlər səsləndirib:

"Emreli topla yaxşı rəftar edir və hücumda komandaya çox fayda verir. Həmçinin Lukinyas və Rafael Lopesi də unutmaq olmaz. Onlar cinahlarda yaxşı işləyirlər".

Yanuş Qol 2011 - 2013-cü illərdə "Legiya"nın formasını geyinib.