Qadınlardan ibarət "Kür" həndbol komandası EHF Avropa Kubokunda mübarizəni dayandırıb.

Rekord.az xəbər verir ki, Azərbaycan təmsilçisi turnirin 3-cü təsnifat mərhələsinin cavab oyununda Şimali Makedoniyanın "WHC Çair" kollektivi ilə üz-üzə gəlib.

"Kür" Olimpiya Tədris-İdman Mərkəzində baş tutan matçda qonaq komanda qələbə qazanıb - 32:21. Bununla da Azərbaycan təmsilçisi EHF Avropa Kuboku ilə vidalaşıb.

Tərəflər arasında ilk matçda da rəqib komanda qalib 27:24 gəlmişdi.

Xatırladaq ki, "Kür" 2-ci raundda Kiprin APOEL klubunu mübarizədən kənarlaşdırıb - 40:18, 39:13.