"Turan Tovuz"un kapitanı Emmanuel Hakmanın "Rekord.az"-a müsahibəsi.

- İlk turda qələbə qazandız. Oyun necə keçdi?

- Çətin oldu. Mövsümün başlanğıcıdır, rəqib də asan deyildi. Komanda olaraq yaxşı oynamalı, istəyimizə nail olmalı idik. Düşünürəm ki, bunu bacardıq və buna ancaq sevinə bilərəm.

- Sənin şəxsi və komandanın mövsümlük hədəfi nədir?

- Mən komanda üçün oynayıram. Komandamın öz hədəfinə çatması üçün məndən tələb olunanı etməliyəm. Təbii ki, biz ən yüksəklərdə olmaq, kuboklar qazanmaq istəyirik.

- Klub prezidenti "Turan"ın çempionluq üçün oynayacağını deyib. Səncə, bunu etmək nə dərəcədə realdır?

- Realdır. Ötən mövsüm bu yarışda var idik. Yenə də ola bilərik. Hər şey bizdən asılıdır. Hədəflərimizə çatacağımıza inanıram.