"Neftçi"nin qadınlardan ibarət 3x3 basketbol komandası Çinin Şanxay şəhərində keçiriləcək Dünya Seriyasının mərhələsində bu gün mübarizəyə start verəcək.

Rekord.az xəbər verir ki, komanda iki görüş keçirəcək.

"Ağ-qaralar" əvvəlcə Taylandla üz-üzə gələcək.

Ratomir Deliçin baş məşqçisi olduğu kollektiv ikinci görüşdə Niderlandın "Amsterdam" komandası ilə münasibətlərə aydınlıq gətirəcək.

Qeyd edək ki, Dünya Seriyasının Şanxay mərhələsinə mayın 17-də yekun vurulacaq.