Azərbaycanın 17 yaşadək oğlanlardan ibarət yığması beynəlxalq turnirdə iştirak edəcək. "Rekord.az" xəbər verir ki, U-17 millimiz Gürcüstanın Qori şəhərində keçiriləcək Şərqi Avropa Zonal Assosiasiyasının (EEVZA) çempionatında qüvvəsini sınayacaq.

Dekabrın 2-də start götürəcək çempionatda 6 ölkənin yığma komandası mübarizə aparacaq. Millimiz Gürcüstan, Latviya, Ukrayna, Estoniya və Polşanın kollektivləri ilə üz-üzə gələcək. Cəlil Baxtiozinin rəhbərlik etdiyi yığma ilk oyununda Polşa komandası ilə qarşılaşacaq.

AVRO-2023-ə seçmə xarakteri daşıyan yarışın reqlamentinə əsasən, çempion qitə birinciliyinin finalına vəsiqə əldə edəcək.
 

Millimizin EEVZA çempionatındakı oyunlarının təqvimi:

2 dekabr 
   15:00 Polşa - Azərbaycan

3 dekabr
   20:00 Azərbaycan - Estoniya

4 dekabr 
   20:00 Latviya - Azərbaycan

5 dekabr 
   17:30 Azərbaycan -  Gürcüstan

6 dekabr
   17:30 Ukrayna - Azərbaycan