Azərbaycanın minifutbol üzrə millisi dünya çempionatında ilk oyununu keçirib.

Rekord.az xəbər verir ki, A qrupunda yer alan yığma Milli Gimnastika Arenasında Bəhreyn komandası ilə qarşılaşıb.

Görüşdə qalib müəyyənləşməyib və tərəflər hərəyə 1 dəfə fərqləniblər – 1:1.

Millinin heyətində Mirmehdi Rzayev (15) dəqiq zərbə müəllifi olub. Rəqibin qolunu isə Ahmed Antar (25) vurub.

Qrupun digər görüşündə, saat 23:00-da Mavritaniya və Sloveniya kollektivləri üz-üzə gələcəklər.