"Liverpul" İngiltərə Premyer Liqasında antirekorda imza atıb.

Rekord.az xəbər verir ki, bu, Mersisayd təmsilçisinin 37-ci turda "Brayton"a yenilməsi (2:3) sayəsində mümkün olub.

"Qırmızılar" qızıl mükafatı təmin etdikdən sonra çempionatda keçirdiyi üç matçın heç birində qalib gələ bilməyən ilk komandadır.

"Liverpul" daha əvvəl "Arsenal"la heç-heçə (2:2) edib, "Çelsi"yə isə məğlub (1:3) olub.

Arne Slotun baş məşqçisi olduğu kollektiv sonuncu turda "Kristal Pelas"ı qəbul edəcək.