Qadın voleybolçulardan ibarət “AZERRAIL” klubu avrokubokda növbəti oyununa çıxıb. "Rekord.az" xəbər verir ki, ölkəmizi Çelenc kubokunda təmsil edən komandamızın 1/16 finaldakı rəqibi İspaniyanın  “Avarca de MENORCA” klubudur. Cütün ilk qarşılaşması bu gün baş tutub. Voleybol Mərkəzində təşkil olunan görüş qonaqların üstünlüyü ilə başlayıb və rəqib ilk setdə 25-23  hesabı ilə qalib gəlib. Lakin komandamız sonradan təşəbbüsü ələ alıb və ikinci hissədə 25-15 hesablı qələbə qazanaraq ümumi hesabı bərabərləşdirib. Növbəti setlərdə də komandamız  üstünlüyü əldən verməyib və meydandan qalib ayrılıb (25-19, 25-23). Beləliklə, “AZERRAIL” ilk oyunda rəqibini 3:1 hesabı ilə məğlub edib. 
Cütün cavab matçı bir həftə sonra İspaniyada baş tutacaq.

Çelenc kuboku
1/16 final (1-ci oyun)
9 noyabr
   “AZERRAIL” - “Avarca de MENORCA” 3:1 (23:25, 25:15, 25:19, 25:23)