Fransanın "Lion" klubunun hücumçusu Memfis Depayın "Barselona"ya keçidi baş tutmayıb.

Rekord.az xəbər verir ki, İspaniya mətbuatında transferin alınmamasının səbəbi izah olunub.

Müxtəlif mənbələr "Barsa"da Depayın mövqeyində oynayan Usman Dembelenin "Mançester Yunayted"ə transfer olunmamasını əsas gətirərək Kataloniya klubunun niderlandlıdan vaz keçdiyini açıqlayıb.

Qeyd edək ki, MY Dembeleni yalnız icarəyə götürmək, "Barselona" isə birdəfəlik satmaq istədiyinə görə tərəflər razılığa gəlməyib.