
Amin Seydiyev Türkiyə klubuna keçir?
- 10 May 2022 15:00
- 1095
Daha bir azərbaycanlı futbolçu karyerasını Türkiyədə davam etdirə bilər.
Rekord.az xəbər verir ki, Amin Seydiyevlə superliqa təmsilçisi “Hatayspor” yaxından maraqlanır. Bu məlumatı “Hataysocailmedya” saytı yayıb.
Qeyd edək ki, Amin Seydiyev bu mövsüm “Sabah”ın heyətində 28 matçda meydanda olub. Müdafiəçi bu görüşlərdə 1 qol vurub, 2 assist edib.
Futbolçunun meneceri Vaqif Heydərli isə "Futbol plus"a açıqlamasında məsələyə belə münasibət bildirib: "Amin Seydiyev öz klubunda daimi oynayan futbolçulardan biridi. Özünü yaxşı tərəfdən göstərə bilib. Milli komandaya dəvət olunur. “Sabah”da mütəmadi olaraq çıxış edir. Ola bilər ki, hansısa klub Aminlə maraqlansın. Amma bizə bununla bağlı nəsə informasiya daxil olmayıb. Heç kim mənimlə transferlə əlaqədar olaraq danışmayıb”.