Bu gün Bakıda stolüstü tennis üzrə beynəlxalq seminar başlanıb.

Bu barədə Rekord.az-a Azərbaycan Stolüstü Tennis Federasiyasından məlumat verilib.

Beynəlxalq Stolüstü Tennis Federasiyası tərəfindən təşkil edilən seminarlar tanınmış məşqçi Yevgeni Timçenkoya həvalə olunub. Qazaxıstanlı mütəxəssis oktyabrın 7-dək məşqçilər ücün "LEVEL 1" adlanan hazırlıq prosesində həm nəzəri, həm də praktiki dərslər keçəcək. Oktyabrın 8-dən 10-dək isə uşaqlar ücün məşqlər təşkil olunacaq.

Seminar "Şüa" İdman-Sağlamlıq Kompleksində təşkil olunub.