Ötən mövsüm “Səbail”də çıxış edən Rahid Əmirquliyev karyerasını başa vurmaq haqda düşünür.

Rekord.az xəbər verir ki, oyunçu məşqçiliyə başlayacaq. Millinin sabiq üzvünün artıq yeni iş yeri də bəllidi. Uzun illər “Xəzər Lənkəran”ın formasını geyinmiş, kapitanı olmuş futbolçu “Neftçi”də çalışacaq.

32 yaşlı yarımmüdafiəçinin flaqmanın aşağı yaş qrupları üzrə komandalarından birini çalışdırması gözlənilir. Bununla bağlı “Neftçi” rəhbərliyi ilə Rahid arasında danışıq olub. Əmirquliyev qərarını yaxın vaxtlarda kluba bildirməlidi. ("Futbol plus")