UEFA mayın 28-də keçiriləcək Çempionlar Liqasının final matçına ev sahibliyinin Rusiyanın Sankt-Peterburq şəhərindən alınacağı ilə bağlı yayılan xəbərlərə münasibət bildirib.

Rekord.az “Evening Standard”a istinadən xəbər verir ki, qurumun mətbuat xidməti bu xəbərləri təkzib edib:

“UEFA vəziyyəti yaxından izləyir. Hazırda final matçının keçiriləcəyi məkanın dəyişdirilməsi nəzərdə tutulmur”.

Rusiya ilə Ukrayna arasında münaqişənin böyüməsi səbəbindən Sankt-Peterburqdan ev sahibliyinin alınacağı ilə bağlı xəbərlər yayılmışdı.