
"Turan Tovuz" "Neftçi"nin futbolçusunu icarəyə götürmək istəyir
- 06 İyn 2022 13:00
- 793
Premyer Liqaya qaytarılan "Turan Tovuz" heyətini komplektləşdirmək yolunda fəaliyyətini davam etdirir.
Rekord.az xəbər verir ki, Tovuz təmsilçisi "Neftçi"də o qədər də çox oynamaq şansı qazanmayan Xəyal Nəcəfovu 1 illik icarəyə götürmək istəyir.
Qeyd edək ki, Xəyal Tovuz təmsilçisinin baş məşqçisi Ayxan Abbasova tanış futbolçudur və onun rəhbərliyi altında "Sumqayıt"da oynayıb. Hətta deyərdik ki, Xəyalın populyarlaşıb "Neftçi"yə transfer olunmasında Abbasovun xüsusi əməyi var. Belə ki, bu məşqçi "Sumqayıt"a yeni təyin olunanda Nəcəfov intizamı pozduğu üçün sabiq baş məşqçi Nazim Süleymanov tərəfindən əvəzedici komandaya göndərilmişdi. Lakin Abbasov Xəyala inanaraq onu yenidən əsas komandaya qaytarıb tədricən oynamaq şansı verdi və\ yekunda onu əsas heyət üzvünə çevirə bildi.