Anatoli Nuriyev "Sumqayıt"dan ayırıla bilər.

Rekord.az xəbər verir ki, ukraynalı milliləşdirilmiş futbolçu hazırkı şərtlər altında Sumqayıt təmsilçisinin heyətində qalmağı düşünmür.

Çünki büdcə ilə bağlı məsələ naməlumdur, legioner limitinin ləğvi hələ də müzakirə olunmur, komandanın növbəti mövsüm hədəfləri nə olacaq, bu da məlum deyil. Transferlərlə bağlı hansısa ciddi addım da atılmır. Nuriyev isə hədəfi, güclü heyəti və normal büdcəsi olmayan klubda oynamaqda maraqlı deyil. Üstəlik, nəzərə alaq ki, o, "Sumqayıt"a 2 aylıq gəlib. Bununla belə, bütün suallara millinin oyunlarından sonra aydınlıq gələcək.