Qazaxıstandan qayıdandan sonra işsiz-gücsüz qalan Vaqif Cavadov yenidən "Sumqayıt"da çalışacaq.

Rekord.az xəbər verir ki, sabiq milli üzvü Sumqayıt təmsilçisinin prezidenti Riad Rəfiyevlə görüşərək onunla bu barədə danışıb və razılıq alıb.

Maraqlısı budur ki, Cavadov futbolçu karyerasını başa vurandan sonra məşqçi kimi belə demək olarsa, ilk ciddi fəaliyyətinə məhz "Sumqayıt"da başlamışdı. Lakin Qazzayev Qazaxıstandan təklif göndərincə onun köməkçisi olmağı daha üstün tutaraq Xəzərin o tayına yollanmağı üstün tutmuşdu. Hansı ki, Rəfiyev onu "Sumqayıt"ın əvəzedici komandasına baş məşqçi təyin edərkən, bu postu tutan və akademiya tarixi ərzində yeganə medalı qazanan Zaur Hidayətovu postundan uzaqlaşdırmışdı. Lakin bütün bunlara baxmayaraq, Cavadov ona qucaq açan "Sumqayıt"ı Qazaxıstanda köməkçi məşqçi işləməkdən üstün tutdu. Qazzayevin istefası fonunda isə o da "Turan"dan ayrıldı və işsizlər sırasına qoşuldu. Lakin Rəfiyev ötənlərdə olanları tez unutdu və və "Sumqayıt"a hörmətsizlik edən Cavadova yenidən qucaq açdı.