"Qəbələ" yeni müqavilə və 6 min dollar maaş təklif etdi
- 2022-05-31 14:00
- 738
“Qəbələ” ötən ilin sentyabrında 1+1 illik müqavilə bağladığı Omar Hani ilə danışıqlara başlayıb.
Rekord.az xəbər verir ki, “Qırmızı-qaralar” iordaniyalı vingerin sözləşməsinin ikinci hissəsinin qüvvəyə minməsi üçün yeni şərtlər təklif edib.
22 yaşlı cinah yarımmüdafiəçisinin bu sezon 4000 dollar aylıq qazanc qarşılığında qırmızı-qara forma geyindiyini xatırladaq. Ərəb legioner başqa yerə getməsə, “Qəbələ”də 6000 dollar alacaq.
Peşəkar karyerasına vətənində başlayan Omarın ilk klubu "Əl-Faysali" olub.
O, 2019-cu ildə Kipr təmsilçisi APOEL-ə keçib. 2019-21-ci illərdə bu komandanın şərəfini qoruyan Hani 2020-21-ci illərdə icarə əsasında Nikosiya “Olimpiakos”sunda da çıxış edib.
İordaniyanın U-19 və U-23 milli komandalarının formasını geyinmiş yarımmüdafiəçi əsas yığmada 1 oyun keçirib. (sportinfo.az)