“Qarabağ” bu gün UEFA Çempionlar Liqasında növbəti oyununa çıxıb.

Rekord.az xəbər verir ki, Ağdam klubu turnirin pley-off mərhələsinin cavab oyununda “Nyukasl”la qarşılaşıb.

Komandalar arasındakı ötən həftə Bakıda keçirilmiş ilk oyun Azərbaycan təmsilçisinin 1:6 hesablı məğlubiyyəti ilə yekunlaşmışdı. Cavab görüşü isə bu gecə Nyukasldakı “Sent Ceyms Park” stadionunda keçirilib. Qarşılaşmanı italiyalı Davide Massa idarə edib.

Qurban Qurbanovun komandasının mərhələ adlamaq şansı cüzi olsa da, təmsilçimizin ən azı layiqli oyun sərgiləyəcəyinə ümid etmək olardı. Belə də olub. 2:3 hesabıyla uduzan Azərbaycan çempionu ÇL-lə vidalaşıb.

UEFA Çempionlar Liqası
Pley-offun cavab oyunu
24 fevral

“Nyukasl” - “Qarabağ” 3:2
Qollar: Sandro Tonali, 4. Joelinton, 6. Sven Botman, 52 - Kamilo Duran, 51. Elvin Cəfərquliyev, 57.
Hakimlər: Davide Massa, Filippo Meli, Stefano Alassio, Luka Payretto (İtaliya).
“Sent Ceyms Park” stadionu, saat 00:00.
İlk oyun – 6:1.

Nyukasl: 32. Aaron Ramsdeyl, 2. Kiran Trippyer (k), 4. Sven Botman, 7. Joelinton, 8. Sandro Tonali, 11. Harvi Barnes, 18. Uilyam Osula, 23. Ceykop Mörfi, 27. Nik Voltemade, 33. Dan Börn, 37. Aleks Mörfi.
Ehtiyat oyunçular: 1. Nik Pope, 26. Con Ruddi, 58. Aydan Harris, 3. Lyuis Holl, 9. Yoan Vissa, 10. Antoni Qordon, 20. Antoni Elanqa, 28. Co Uillok, 61. Leo Şahar, 62. Şon Niv.
Baş məşqçi: Eddi Hau.

Qarabağ: 99. Mateuş Koxalski, 2. Mateus Silva, 8. Marko Yankoviç, 9. Xoni Montiel, 10. Abdullah Zubir (k), 17. Kamilo Duran, 18. Dani Bolt, 35. Pedro Bikalyo, 44. Elvin Cəfərquliyev, 55. Bədavi Hüseynov, 81. Kevin Medina.
Ehtiyat oyunçular: 89. Amin Ramazanov, 97. Fabian Buntiç, 11. Emmanuel Addai, 15. Leandro Andrade, 20. Kadi Borges, 21. Aleksey Kaşuk, 22. Musa Qurbanlı, 27. Toral Bayramov, 30. Abbas Hüseynov, 32. Hikmət Cəbrayılzadə.
Baş məşqçi: Qurban Qurbanov.