“Neftçi” Azərbaycan Kubokunda 20-ci səfər məğlubiyyətini alıb.

Rekord.az xəbər verir ki, bu, yarımfinalın “Turan Tovuz”la ilk oyununa təsadüf edib.

Bakı klubu rəqib meydanında 0:1 hesabı ilə uduzub. “Ağ-qaralar” ölkə kubokunda 78-ci səfər görüşündə 20-ci yenilgiyə üzülüb. Bunlardan 7-si yarımfinal, 9-u 1/4 final, 3-ü 1/8 final, 1-i 1/16 finala təsadüf edib.

Qeyd edək ki, “Neftçi” ölkə kubokunda ümumilikdə 38-ci məğlubiyyətini alıb. Bunlardan 14-ü evdə, 4-ü neytral meydançada yaşanıb.